تعالي شوف ازاي تتكلم مع الناس

استعرض الموضوع السابق استعرض الموضوع التالي اذهب الى الأسفل

default تعالي شوف ازاي تتكلم مع الناس

مُساهمة من طرف ضي القمر في الأربعاء سبتمبر 03 2008, 00:01






كيف تتكلم
مع الناس؟؟


مع الإعتذار لفريق اللغة العربية
...




عمرك لاقيت إنك مش
عارف تتواصل مع حد معين؟؟ رغم إنك فعلا عايز تكلمه؟

لاقيت مرة واحد مابتحبش تتكلم معاه خالص؟؟ كده لله في
لله؟؟



هل مرة لاقيت إنك مش عارف تبيع سلعتك للزبون بتاعك رغم إنك حاولت بكل
إخلاص؟

أكيد أيوه..
مش كده؟



طيب.. هنتكلم
النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة
دي اسمها (التحدث
بإيجابية)..



في البداية عايز أوضح لك حاجة مهمة جدا عن عقلنا اللاواعي..



هنعرفها من المثال
الصغير ده:



هاقول لك جملتين عايزك تركز فيهم قوي وتنفذ اللي
فيهم:

ماتفكرش في وردة
حمراء!!

ها.. ينفع؟ طيب خد دي
كده:

ماتتخيلش سيارة سوداء!!
ها؟ خدت بالك من اللي حصل ده؟؟ أكيد أكيد فكرت لا إراديا في الوردة
الحمراء وفي السيارة السوداء
كمان..

إيه اللي حصل
ده؟

اللي حصل يا جماعة إن العقل اللاواعي بتاعنا مابيسمعش الكلام
قوي..

ببساطة بياخد الجملة ويقعد يفكر فيها كلمة كلمة عشان يقدر
يستوعبها..

فعشان تفهم الجملتين اللي فاتوا كان لازم العقل اللاواعي بتاعك يتخيل ..
الوردة والسيارة السوداء!



يعني إيه؟؟ يعني لو عايز أأثر على العقل اللاواعي للشخص اللي باتكلم
معاه،ومش عايزه يفكر في وردة حمراء.. يبقى لازم الجملة مايبقاش فيها
وردة

حمراء.. صح كده؟؟
طبعا المسألة مش مسألة وردة حمراء وسيارة
سوداء..



عشان تفهم
قصدي اقرا الأمثلة دي:

البائع: الأسعار بتاعتنا مش غالية.. إحنا مش حرامية ونصابين!



الجملة دي غلط
تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي،
ومش لازم يكون عارف ليه.. لكن ..احنا عارفين
طبعا..



جملة (مش غالية) دي
هيركز اللاشعور على كلمة (غالية) لا إراديا..

والجملة التانية (احنا مش حرامية ونصابين) هيفهم منها إنهم (حرامية
ونصابين)!

يبقى المفروض
البائع يقول مثلا: أسعارنا مناسبة جدا.. إحنا يهمنا ثقة
العملاء!



نفهم من كده
إيه؟؟



نفهم إن إنت لو
عايز تأثر في اللي قدامك بحاجة، يبقى لازم تستخدم الكلمات الإيجابية المناسبة اللي
تخلق جو من الراحة في نفسه.. زي (رائعة) و(ثقة) في المثال اللي فات... واهرب من
الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع
بعض..



الطبيب: ماتخافش..
الحقنة مش بتوجع خالص.



هه.. إيه رأيك في المثال
ده؟؟



يللا مع بعض نطلع
الكلمات السلبية:

أول كلمة سلبية هي:
(ماتخافش).. دي هتخليه يخاف أصلا لأننا ذكرنا
الخوف..

ثاني كلمة سلبية
هي: (مش بتوجع).. دي هتخليه يتخيل الألم
والوجع..

يبقى المفروض يقولها
ازاي؟؟



الطبيب: اطمئن..
هتحس براحة بعد ثواني! (ملاحظ إننا ماذكرناش كلمة "حقنة"
أصلا؟)



(ملحوظة: كتجربة
شخصية، لكل الأطباء اللي بيقرأوا الموضوع ده.. التكنيك ده أفادني كتير جدا -كطبيب
أسنان- في إقناع المريض بأخذ الحقنة.. تجنب

الكلمات السلبية زي: ماتخافش- ماتقلقش– زي شكة الدبوس... كلمه يا دكتور
عن الراحة والشفاء وإن حقنة البنج مريحة لأنها حقنة بنج
أساسا..

خدت بالك .. ببساطة لأن هي دي الحقيقة، بس المهم هنوصلها له بأي
طريقة؟).



البنت لخطيبها:
ماتقلقش يا حبيبي.. عمري ما هاخونك أو أكرهك!!!

طبعا كلنا حسينا
بصدمة من الكلام ده.. لكن إحنا عرفنا ليه.. عشان الكلمات السلبية زي: ماتقلقش-
هاخونك – أكرهك!!!



المفروض الجملة دي تتقال
كده:



البنت لخطيبها:
اطمئن يا حبيبي.. أنا مخلصة لحبنا وهافضل أحبك على
طول!!



شايف الجمال اللي
في المعنى؟؟ مع إننا ممكن نلاحظ ببساطة إن الجملتين لهم نفس
المعنى...

نستفيد من الكلام ده إيه
بقى؟؟



ندخل على
الحكمة بتاعة النهارده:



مهم جداً معنى الكلام الذي نقوله.. والأهم هو: كيف نقول هذا
المعنى..

استخدم كلمات إيجابية دائما في حياتك.. ولاحظ الفرق الذي سيحدث في
علاقاتك مع الناس..



واعرف الحقيقة دي.. الناس اللي بيستخدموا كلمات سلبية كتير في
كلامهم،

الناس بتبتعد عنهم ومش بتحب تتكلم معاهم.. افتكر حد مش بتحب تتكلم
معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟
ركز في كلامه هتلاقي الكلمات اللي قلنا عليها.. الكلمات
(السلبية)..



على عكس الناس اللي بتحب تتكلم معاهم.. فكر في واحد بتحب تتكلم معاه
وبتستمتع بكده.. مبتسم؟ متفائل؟ بيهون على الناس اللي حواليه مشاكل الحياة؟ ركز في
كلامه هتلاقي الكلمات اللي بنقول عليها: الكلمات
(الإيجابية)

.منقول .
[/center]
avatar
ضي القمر
عضو نشيط
عضو نشيط

انثى
عدد الرسائل : 361
العمر : 30
الـدولـة : مصر
الديانة : حاصله علي بكالوريوس علوم
تاريخ التسجيل : 07/07/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: تعالي شوف ازاي تتكلم مع الناس

مُساهمة من طرف king without crown في الأربعاء سبتمبر 03 2008, 14:33


موضوع جميل للغايه

جزاك الله كل خير

_________________
avatar
king without crown
نائب رئيس المنتدى
نائب رئيس المنتدى

ذكر
عدد الرسائل : 938
العمر : 29
الـدولـة : where i can achieve my goals
الديانة : muslim
الأوسمة :
بلدي :
تاريخ التسجيل : 10/05/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى